Озарбайжоннинг Боку шаҳрида шахмат бўйича Жаҳон Кубоги баҳслари давом эттирилди.

Мусобақа доирасидаги 2-босқичда Нодирбек Абдусатторов туркиялик Ваҳоб Саналга имкониятни бой берди ва ўз юришини тўхтатди. Ушбу шахматчилар ўртасидаги дастлабки ўйинда дуранг қайд этилган бўлса, ҳамюртимиз кеча оқ доналарда ўйнаб ютқазиб қўйди. Партия ўртасида позицион устунликка эга бўлган Нодирбек ноаниқ юришлар қилишни бошлади. 35-юришда эса ўта қўпол хатога йўл қўйди ва шу жойдан бошлаб устунлик тўлиқ рақиб томонига ўтди. Ваҳоб Санал бу устунликни сақлаб қолди ҳамда 44-юришдан сўнг Нодирбек таслим бўлди.

Жавоҳир Синдоров ва Нодирбек Ёқуббоев дуранг натижа қайд этиб, тай-брекда ўйнайдиган бўлди. Қайд этиб ўтиш жоиз, тай-брек баҳслари бугун бўлиб ўтади.

2-босқичда қайд этилган натижалар:

Нодирбек Абдусатторов - Ваҳоб Санал (Туркия) 0:1 (0,5:1,5)

Жавоҳир Синдоров - Маркус Раггер (Австрия) 0,5:0:5 (1:1)

Нодирбек Ёқуббоев - Бенжамин Гледура (Венгрия) 0,5:0:5 (1:1).