Ozarbayjonning Boku shahrida shaxmat bo‘yicha Jahon Kubogi bahslari davom ettirildi.

Musobaqa doirasidagi 2-bosqichda Nodirbek Abdusattorov turkiyalik Vahob Sanalga imkoniyatni boy berdi va o‘z yurishini to‘xtatdi. Ushbu shaxmatchilar o‘rtasidagi dastlabki o‘yinda durang qayd etilgan bo‘lsa, hamyurtimiz kecha oq donalarda o‘ynab yutqazib qo‘ydi. Partiya o‘rtasida pozision ustunlikka ega bo‘lgan Nodirbek noaniq yurishlar qilishni boshladi. 35-yurishda esa o‘ta qo‘pol xatoga yo‘l qo‘ydi va shu joydan boshlab ustunlik to‘liq raqib tomoniga o‘tdi. Vahob Sanal bu ustunlikni saqlab qoldi hamda 44-yurishdan so‘ng Nodirbek taslim bo‘ldi.

Javohir Sindorov va Nodirbek Yoqubboyev durang natija qayd etib, tay-brekda o‘ynaydigan bo‘ldi. Qayd etib o‘tish joiz, tay-brek bahslari bugun bo‘lib o‘tadi.

2-bosqichda qayd etilgan natijalar:

Nodirbek Abdusattorov - Vahob Sanal (Turkiya) 0:1 (0,5:1,5)

Javohir Sindorov - Markus Ragger (Avstriya) 0,5:0:5 (1:1)

Nodirbek Yoqubboyev - Benjamin Gledura (Vengriya) 0,5:0:5 (1:1).