Леверкузеннинг "Байер" клуби бош мураббий Хаби Алонсо билан янги шартнома имзолаганини эълон қилди. Шартнома 2026 йилнинг ёзига қадар амал қилади. Олдинги шартнома 2024 йилнинг ёзида якунига етар эди.

"Байер"нинг менга бўлган ишончидан жуда мамнунман. Бизнинг эътиқод ва ғояларимиз бир-бирига мос келиши клуб раҳбарияти ва мен ўртасида ишонч ҳосил қилади", - дея испанияликнинг сўзларидан иқтибос келтиради Леверкузен матбуот хизмати.

Алонсо "Байер"ни 2022 йилнинг октябрида қабул қилиб олган эди. Унинг қўл остида клуб 37 ўйин ўтказган - 17 ғалаба, 10 мағлубият ва 10 учрашув дуранг билан якунланган.