Суперлига 15-турида Наманганнинг "Навбаҳор" жамоаси Бекободда "Металлург" билан куч синашиб, 1:1 ҳисобида дуранг қайд этди.
22-дақиқада Жасур Яхшибоев узатган тўпни дарвозага жойлаб қўйган Иброҳим Йўлдошев "лочинлар"ни ҳисобда олдинга олиб чиқди. 88-дақиқада "Навбаҳор" сафида Аброр Исмоилов майдондан четлатилди. Шундан сўнг ҳужумга зўр берган майдон эгалари 90+7-дақиқада Забиҳилло Ўринбоев киритган гол эвазига 1 очко ишлаб олди.
Бу дуранг орқали наманганликлар очколари сонини 33 тага етказиб, жадвалда етакчилик қилмоқда. "Металлург" 13 очко билан 11-ўринда.
