Англия терма жамоаси устози Гарет Саутгейт Жордан Хендерсоннинг Саудияга йўл олиши ҳақида гапирди. У шундай дейди:
"Мен унинг қарашлари ўзгариб қолади деб ўйламайман. Бир жинслилар жамияти ҳозир Жорданни танқид қилишяпти. Аммо мен футболчининг қарорини тушунаман. Ҳеч биримиз ҳаётимиз давомида молиясиз яшай олмаймиз ва яхши таклифлар футболчини кўндиришга қодир.
Нима, энди Саудияда тақиқ бор деб ҳеч ким "Ньюкасл"га бориб ишламаслиги керакми? Ёки Лондондаги бирорта саудияликлар эгалик қиладиган медиа компанияга бора олмайдими? Менимча, ҳамма ўз ҳаёти учун ўзи қарор бериши керак".
