Тайёрлов гуруҳлари ўртасида (1996-97 йилларда туғилган) ўтказилаётган мамлакат чемпионатининг илк кунида кутилганидек ғолибликка асосий даъвогарлар сафида эътироф этилаётган жамоалар ғалабага эришишди.

Куниннг илк учрашувида Валентин Поддубний ва Евгений Смирнов бошчилидаги “Насаф” футбол мактаби тарбияланувчилари фарғоналик тенгқурлари билан куч синашиб, 2:0 ҳисобида ғалабага эришишди. Гарчи биринчи бўлимда ҳисоб очилмаган бўлсада, иккинчи бўлимда Шаҳзод Муҳиддинов ва Даврон Ҳусанов томонидан киритилган голлар вакилларимиз ишончли ғалабани келтирди. “Насаф” – “Нефтчи” 2:0.

Октябрь ойида юртимизнинг энг яхши мураббийи деб топилган Дилшод Нуралиев бошчилигидаги “Пахтакор” жамоаси аъзолари илк ўйиндаёқ қаттиқ қаршиликка дуч келишди. Гарчи ҳисоб тошкентликлар томонидан очилган бўлсада, иккинчи бўлимда айнан “Пахтакор” посбонининг қўпол хатосидан кейин “Навбаҳор” футболчилари мувозанатни тиклашди. Учрашув якунлашига саноқли дақиқалар қолганда Нуралиев шогирдлари ғалабани ўзлари томонга оғдириб олишди. “Пахтакор” – “Навбаҳор” 2:1

Тушдан кейин ўтказилган икки учрашувда ҳам йирик ҳисоб қайд этилди. Ғолибликка даъвогарлардан бири “Машъал футболчилари “Қизилқум” дарвозасига жавобсиз олтитта гол йўллаган бўлса, ёш “бунёдкор”чилар Бекободнинг “Металлург” жамоасига бундандан кўп тўп киритишнинг уддасидан чиқишди – 7:0.

“Бунёдкор” – “Металлург” 7:0
“Қизилқум” – “Машъал” 0:6.

Баҳслар ҳам эратга ҳам давом эттирилади. Учрашувлар соат 10:00 дан бошланиши белгилаб қўйилган.