"Челси"га шу ёзда қўшилган ҳужумчи Кристофер Нкунку Премьер-лиганинг биринчи турида "Ливерпуль" жамоасига қарши бўладиган ўйинни ўтказиб юбориш хавфи остида турибди.
Evening Standard нашри хабарига кўра, 25 ёшли франциялик ҳужумчи яқинда Дортмунднинг "Боруссия" жамоасига қарши ўйинда (1:1) олган жароҳатидан фориғ бўлишга улгурмаяпти.
Эслатиб ўтамиз, "Челси" - "Ливерпуль" учрашуви 13 август куни бўлиб ўтади.
Нкунку ва "кўклар" ўртасидаги шартнома 2029 йилнинг ўрталарига қадар мўлжалланган. Кристофернинг трансфери Лондон клубига 60 миллион еврога тушди.