Лондоннинг “Челси” клуби “Брайтон” дарвозабони Роберт Санчеснинг трансферини муваффақиятли якунлади.

Испаниялик посбон Маурисио Почеттино жамоаси билан 2030 йилгача мўлжалланган шартнома имзолади. Трансфер суммаси 23 миллион еврони ташкил қилди. Келажакда 6 миллионга яқин "Брайтон" бонуслар кўринишида олиши мумкин.

Санчес ўтган мавсумда "Брайтон" бош мураббийи Роберто де Дзерби билан можарога борган эди. Шу сабабдан испаниялик дарвозабон мавсум якунида асосий таркибдаги барқарор ўрнини йўқотди.

25 ёшли Санчес 2022 йилнинг ноябрь ойида Испания терма жамоасининг Жаҳон чемпионати учун қайдномага кирган, аммо турнирда бирорта ҳам ўйин ўтказмаган.