"Краснодар" ярим ҳимоячиси Эдуард Сперцяннинг Нидерландиянинг "Аякс" клубига ўтиши хавф остида, деб хабар бермоқда De Telegraaf нашри.

Манбага кўра, амстердамликларнинг кузатув кенгаши Сперцяннинг трансферига тўсқинлик қилмоқчи, чунки “мавжуд сиёсий вазиятда Россия билан музокара олиб бориш ахлоқсиздир”.

Ўз навбатида, "Аякс" футбол бўйича директори Свен Мислинтат Сперцянни сотиб олиш бўйича келишувни якунлашни талаб қилмоқда.

Жорий мавсумда 23 ёшли Эдуард Сперцян “Краснодар” сафида 4 та ўйинда майдонга тушиб, 1 та гол урди ва 2 та голли узатмани амалга оширди. Transfermarkt портали футболчининг нархини 12 миллион еврога баҳоламоқда.