"Манчестер Юнайтед" бош мураббийи Эрик тен Хаг шу ёзда "Челси"дан 65 миллион евро эвазига "қизил иблислар"га ўтган ярим ҳимоячи Мейсон Маунт ҳақида яна бир бор фикр билдирди.
"Мейсонни "Челси" билан ўйнаганини кўрган ҳар бир киши ундан нима кутишини билади. У ақл бовар қилмайдиган даражада ақлли футболчи, айни пайтда жуда меҳнаткаш. Маунт бизга катта куч қўшади" - деди Тен Хаг матбуот анжуманида.
Маунт аввалроқ "Челси" билан янги шартнома бўйича келишиб олмаган эди, шундан сўнг раҳбарият билан келишмовчилик туфайли у кетиш истагини билдирди. Мейсон 24 ёшида Чемпионлар лигасида ғалаба қозонишга муваффақ бўлди. Янги жамоасида у аввал Криштиану Роналдуга тегишли бўлган 7-рақам остида ўйнайди.
