"Челси" дарвозабони Роберт Санчес ўтган мавсумда "Брайтон"да бирга ўйнаган марказий ҳимоячи Леви Колвилл билан қайта учрашганидан хурсанд. Санчес бугун расман "Челси"га ўтди. Бонусларни ҳисобга олган ҳолда трансфер суммаси келажакда 30 миллион еврога етиши мумкин.
"Брайтон"даги давр Колвиллга "Челси"да етукликка эришишида ёрдам берди. Ўтган мавсумда Леви билан дўстлашдик. Биз у билан яқин алоқадамиз. Менимча, Леви - топ футболчи", - деди Санчес "Челси" расмий сайтига.
Эслатиб ўтамиз, Колвилл яқинда "Челси" билан янги узоқ муддатли шартнома имзолаган эди. Леви "Челси" тарбияланувчиси бўлиб, ўтган мавсумда у "Брайтон"да ижара асосида ўйнаган.
