"Брайтон" "Аякс" ярим ҳимоячисини ўзи учун рекорд суммага сотиб олади.

Англия ва Нидерландия клублари Муҳаммад Кудуснинг трансфери борасида келишувга эришди, деб хабар беради The Athletic. "Чайкалар" футболчи учун тахминан 40 миллион евро (34,5 миллион фунт) тўлайди, бу клуб учун рекорд бўларди - илгари ҳеч қачон футболчи учун клуб 30 миллион фунт стерлингдан кўп пул тўламаган.

Футболчининг ўзи британияликлар билан шахсий шартнома шартларини келишиб олишга яқин турибди. "Брайтон" бош мураббийи Роберто Де Зерби Кудуснинг трансферини талаб қилди.

Аввалроқ, Гана терма жамоаси футболчисини сотиб олишга "Челси" ва "Арсенал" клублари қизиқиш билдираётгани ҳақида хабар берилганди.

Кудус ўтган мавсумда Нидерландия чемпионатида 30та ўйинда майдонга тушиб, 11та гол урган.