Усмон Дембеленинг "ПСЖ"га ўтиши ортга сурилди.
Эслатиб ўтамиз, парижликлар клуби "Барселона" вингери билан 5 йиллик шартнома борасида келишиб олди. Футболчининг трансфери учун парижликлар 50 миллион евро тўлашлари керак, бу маблағнинг ярми футболчи ва унинг агентига тушиши мумкин. Хабар қилинишича, "ПСЖ" душанба куни трансферни амалга оширишни режалаштирмоқда.
Бироқ, RMC Sport нашри хабарига кўра, "Барселона" трансферни тасдиқлаш учун "ПСЖ"га ҳужжатларни юборишга шошилмаяпти. Каталония клуби футболчини бугун соат 18:30да бошланадиган машғулотларга чақирди.
Шунга қарамай, Париж клубидаги манбалар "ПСЖ" хотиржам ва трансферга ишонч билдиришини айтишмоқда. Французларнинг фикрича, шу йўл билан "Барселона" футболчини сотиш учун каттароқ сумма олишга ҳаракат қилмоқда.
