Винисиус Жуниор ва Эдер Милитао Килиан Мбаппени "Реал"га ўтишини сўрашди.

Ижтимоий тармоқларда Винисиус ва Милитаонинг "Реал" бош скаути Хуни Калафат билан суҳбати акс этган видео тарқалди.

“Умид қиламизки, Мбаппе келади. Мили, Хунига айт, Мбаппе билан шартнома имзоласин”, - дейди Винисиус видеода.

"Хуни, сен Мбаппе билан шартнома имзолашинг керак!" Милитао қўшиб қўйди.

“Сиз бизнинг барча пулларимизни Ибицада сарфлаяпсиз. Бизда Мбаппега пул етарли эмас!", Калафат “Реал” футболчиларига кулиб жавоб берди.

Хабар қилинишича, "Реал" "ПСЖ" форварди учун 200 миллион евродан кўпроқ тўлаши мумкин.