"Манчестер Сити" марказий ҳимоячиси Эмерик Лапорт Саудия Арабистони клубидан таклиф олди. Инсайдер Хосе Мануел Монжининг хабар беришича, "Ан-Наср" футболчига йилига 20 миллион евро маош билан шартнома таклиф қилган.
Манбанинг айтишича, Лапорт бу таклифга ҳозирча жавоб бермаган. Испаниялик ҳимоячи ўйлашга вақт ажратди. Футболчи "Манчестер Сити" бош мураббийи Хосеп Гвардиоланинг режаларида йўқ.