«Фулхэм» «Челси» ҳужумчиси Каллум Хадсон-Одои билан шартнома имзолашга яқин турибди.
Sky Sports хабарига кўра, томонлар келишувнинг кўп жиҳатларини ҳал қилишган. Маълум қилинишича, яқин орада Лондон жамоалари босслари трансфер нархи бўйича келишув устида ишлашлари керак.
Аввалроқ «Фулхэм» Хадсон-Одои учун тўрт миллион евродан кўп пул таклиф қилмаган бўлса, «Челси» ўз шогирди учун икки баробар кўп пул талаб қилганди.
Эслатиб ўтамиз, Каллум «кўклар» тарбияланувчиси ҳисобланади, ўтган мавсумни «Байер»да ижара асосида ўтказган.