«Fulxem» «Chelsi» hujumchisi Kallum Xadson-Odoi bilan shartnoma imzolashga yaqin turibdi.
Sky Sports xabariga ko‘ra, tomonlar kelishuvning ko‘p jihatlarini hal qilishgan. Ma’lum qilinishicha, yaqin orada London jamoalari bosslari transfer narxi bo‘yicha kelishuv ustida ishlashlari kerak.
Avvalroq «Fulxem» Xadson-Odoi uchun to‘rt million yevrodan ko‘p pul taklif qilmagan bo‘lsa, «Chelsi» o‘z shogirdi uchun ikki barobar ko‘p pul talab qilgandi.
Eslatib o‘tamiz, Kallum «ko‘klar» tarbiyalanuvchisi hisoblanadi, o‘tgan mavsumni «Bayer»da ijara asosida o‘tkazgan.