"Рома" бош мураббийи Жозе Моуриньо жамоа ҳужумчиси Пауло Дибала ҳақида ўз фикрлари билан ўртоқлашди.
“Дибаланинг товон пули банди 1 августда тугади, шунинг учун мен ниҳоят чақалоқлардек ухлай оламан. У мен билан бирга ишлаган энг сифатли футболчилардан бири ва биз учун у олтин, биз уни қўйиб юбора олмаймиз", - дея Моуриньо сўзларини келтиради Correira Dello Sport.
29 ёшли Дибала 2022 йилнинг ёзидан буён “Рома” сафида тўп тепади. 2022/23 йилги мавсумда у римликлар сафида 38 та ўйин ўтказиб, 18 та гол урди ва 8 та голли узатмани амалга оширди. Унинг шартномаси 2025 йилнинг ёзига қадар мўлжалланган. Transfermarkt портали футболчининг нархини 30 миллион еврога баҳоламоқда.
