"Roma" bosh murabbiyi Joze Mourinyo jamoa hujumchisi Paulo Dibala haqida o‘z fikrlari bilan o‘rtoqlashdi.
“Dibalaning tovon puli bandi 1 avgustda tugadi, shuning uchun men nihoyat chaqaloqlardek uxlay olaman. U men bilan birga ishlagan eng sifatli futbolchilardan biri va biz uchun u oltin, biz uni qo‘yib yubora olmaymiz", - deya Mourinyo so‘zlarini keltiradi Correira Dello Sport.
29 yoshli Dibala 2022 yilning yozidan buyon “Roma” safida to‘p tepadi. 2022/23 yilgi mavsumda u rimliklar safida 38 ta o‘yin o‘tkazib, 18 ta gol urdi va 8 ta golli uzatmani amalga oshirdi. Uning shartnomasi 2025 yilning yoziga qadar mo‘ljallangan. Transfermarkt portali futbolchining narxini 30 million yevroga baholamoqda.
