Парижликлар ушбу ёзда "Барселона"дан "Golden Boy" соврини соҳиби бўлган ярим ҳимоячи Гавини сотиб олмоқчи эди.
Mundo Deportivo нашри хабарига кўра, парижликлар испаниялик футболчининг нархини билиш учун каталонияликларга мурожаат қилишган. "Барселона" дарҳол Гавини дахлсиз деб ҳисоблагани учун сотишдан манфаатдор эмаслигини билдирган.
"ПСЖ"нинг ягона варианти - Гавига 1 миллиард евро товон пули тўлаш, албатта, молиявий фейр-плейда бу мумкин эмас. Натижада, парижликлар Гавини сотиб олиш ғоясидан воз кечишди.
Эслатиб ўтамиз, "ПСЖ" "Барселона"нинг яна бир футболчиси - ҳужумчи Усмон Дембеленинг трансферига яқин турибди.
