"Ливерпуль" марказий ҳимоячиси Виржил ван Дейк мавсум бошланиши олдидан юзага келган вазият ҳақида ўз фикрларини билдириб ўтди.
Бу ёзда “қизиллар” Фабиньо, Жеймс Милнер, Роберто Фирмино, Наби Кейта ва Жордан Хендерсон билан хайрлашди. Юрген Клопп жамоасига фақатгина Доминик Собослаи ва Алексис Макаллистер келиб қўшилди.
"Клуб кўплаб ўйинчиларни, жумладан сардор ва вице-сардорни йўқотди, фақат иккита янги футболчи билан шартнома имзоланди. Бизнинг тўп билан ўйинимиз ҳақиқатан ҳам яхши, аммо тўпсиз у қадар ажойиб эмас. Мен жамоага шубҳа қиладиган одамларни тушуна оламан", - дея ван Дейк сўзларини келтирмоқда инглиз ОАВ.
13 август куни “Ливерпуль” АПЛ 1-тури доирасида “Челси”га қарши сафарда майдонга тушади.
