"Барселона" ярим ҳимоячиси Френки де Йонг Усмон Дембеленинг кетиши ҳақидаги фикрлари билан ўртоқлашди.
Франциялик вингер тез орада "ПСЖ"га ўтади. Трансфер нархи 50 миллион еврога баҳоланмоқда, аммо "Барселона" бу сумманинг фақат ярмини олиши маълум.
"Усмоннинг кетиши билан биз буюк футболчини йўқотамиз. Унинг кучли томонлари бор, жумладан дриблинг ва у голли узатмаларни бера олади. Биз уни жуда соғинамиз”, - деди Де Йонг "Гампер" кубоги доирасидаги “Тоттенхэм” устидан қозонилган ғалабадан сўнг (4:2).
Усмон Дембеле олти йил давомида "Барселона" шарафини ҳимоя қилди. 2017 йилда Каталония клуби уни Дортмунднинг "Боруссия" клубидан 140 миллион евро эвазига сотиб олганди.
