"Ювентус" ярим ҳимоячиси Пол Погба "Ал-Иттиҳод"нинг йилига 30 миллион евролик 3 йиллик шартнома таклифини рад этди.

Футболчи Турин клубида қолиб, аввалги даражасига қайтишга қарор қилди.

Бироқ саудияликлар Полга қизиқишда қолмоқда ва 20 сентябргача у билан шартнома имзолашга улгуради.

Погба мавсум бошида яхши формада бўлиш учун астойдил ҳаракат қилмоқда. Бироқ, у 20 август куни бўлиб ўтадиган А Сериянинг "Удинезе"га қарши ўйинини ўтказиб юбориш хавфи бор.

Пол ўтган ёздан бери туринликлар сафида ўйнаб келмоқда. Клубга қайтганидан сўнг у 10 учрашувда атиги 161 дақиқа ўйнади ва 1 голли узатмани амалга оширди.