"Реал" ва "ПСЖ" клубларининг собиқ ҳимоячиси Серхио Рамос фаолиятини МЛСда давом эттириш имкониятларини қидирмоқда. Бу ҳақда Marca нашри хабар бермоқда.
Манба берган хабарга кўра, Рамосда "ПСЖ"дан кетганидан кейин фаолиятини давом эттириш учун кўплаб имкониятлар бўлган, аммо бу таклифлар испаниялик ҳимоячини спорт нуқтаи назаридан ҳайратга солмаган. Футболчи МЛС клубига ўтиш имкониятини кутмоқда.
"Севилья"га қайтиш варианти Рамос томонидан жиддий кўриб чиқилмаган.
Ҳозир Рамос жисмоний ҳолатини сақлаб қолишда давом этмоқда. Қайд этилишича, ҳимоячи ҳар куни машғулот ўтказяпти.
Рамос ўтган мавсумда 45 ўйин ўтказиб, 4 та гол ва битта голли узатмани амалга оширган. Фаолияти давомида ҳимоячи 29 та соврин ютган.
