"Real" va "PSJ" klublarining sobiq himoyachisi Serxio Ramos faoliyatini MLSda davom ettirish imkoniyatlarini qidirmoqda. Bu haqda Marca nashri xabar bermoqda.

Manba bergan xabarga ko‘ra, Ramosda "PSJ"dan ketganidan keyin faoliyatini davom ettirish uchun ko‘plab imkoniyatlar bo‘lgan, ammo bu takliflar ispaniyalik himoyachini sport nuqtai nazaridan hayratga solmagan. Futbolchi MLS klubiga o‘tish imkoniyatini kutmoqda.

"Sevilya"ga qaytish varianti Ramos tomonidan jiddiy ko‘rib chiqilmagan.

Hozir Ramos jismoniy holatini saqlab qolishda davom etmoqda. Qayd etilishicha, himoyachi har kuni mashg‘ulot o‘tkazyapti.

Ramos o‘tgan mavsumda 45 o‘yin o‘tkazib, 4 ta gol va bitta golli uzatmani amalga oshirgan. Faoliyati davomida himoyachi 29 ta sovrin yutgan.