"Рома" ҳимоячиси Рожер Ибаньес Саудиянинг "Ал-Аҳли" клубига ўтади, дея хабар бермоқда инсайдер Фабрицио Романо.
Қайд этилишича, футболчи шартнома имзолаган. Унинг учун "Рома" 28,5 миллион евро олади. "Ал-Аҳли" яна 3 миллион бонуслар кўринишида тўлаши мумкин. Шунингдек, "Рома" футболчининг кейинги сотуви суммасининг 20 фоизини олади.
24 ёшли бразилиялик футболчи Италия паспортига эга бўлиб, ўтган мавсумда "Рома" сафида 48 та ўйинда майдонга тушиб, 3 та гол урган.
Transfermarkt футболчини 30 миллион еврога баҳоламоқда.
