"Манчестер Юнайтед" марказий ҳимоячиси Харри Магуайр "Вест Хэм" билан ҳали келишувга эриша олмади.
"Болғачилар" бош мураббийи Девид Мойеснинг шахсан ўзи "қизил иблислар" режаларига киритилмаган 30 ёшли футболчини ўз сафига қўшиб олишдан манфаатдор.
Миш-мишларга кўра, "Манчестер Юнайтед" Магуайрни "Вест Хэм"га сотишга тайёр, бироқ футболчининг ўзи ҳали келишувни маъқулламаган, дейди инсайдер Фабрицио Романо. Ўтишни амалга ошириш учун Англия термаси марказий ҳимоячиси маошини сезиларли даражада камайтиришга рози бўлиши керак. Музокаралар давом этмоқда, аммо Лондон клубига манкунианликларнинг собиқ сардори талабларини қондириш қийин бўлади.
