Бугун ўзбек ОАВларидаги хабарларга кўра юртимизга қозоқ футболидан бир-қанча скаутлар келишар экан. Яна улар “Насаф”нинг Қаршидаги “Локомотив” билан баҳсини томоша қилишар экан. Мақсад, Жиямуродов ва Бойдуллаевни кузатиш.

Агар бу гаплар рост бўлса, биринчи ўринда улар фафқат Жиямуродовни кузата олишмасликларини қайд этиш мумкин. Иккинчидан эса бу “Насаф” учун ҳам фойдадан ҳоли эмас, тўғри, жамоа учун булар йўқотиш, лекин бу — Футбол, унда бунақа ҳолатлар кўп бўлади.

Четдан “Насаф”га ҳам назар тушдими, бу яхши авваллари четдан фақат “Бунёдкор” ва” Пахтакор”га қарашар эди, бу ҳолат уларнинг салоҳиятидан дарак берарди,  ҳозир эса кўриб турганингиздек “Насаф” ҳам улар орасига қўшилибди. Кўп футболчилар танлаш имконияти бўлса, иложи борича “Бунёдкор” ёки “Пахтакор”ни танлашади, нега? Чунки у ердан четга ҳам чиқиб кетиш мункинда, “Насаф”да эса ундай эмас эди, энди эса мумкин! Шу боис энди “Насаф”ни ҳам "трамплин" йўлида танлашади. Бундан “Насаф” ҳам фойда кўриши мумкин, янги футболчилар тайёрлайди.  Мана “Пахтакор” билан “Бунёдкор”ни ҳар йили қанча етакчи тарк этади, бу билан улар кучсизланиб қолганлари йўқ-ку?!

Шу боис Жия ёки Бойдуллаев четда ўйнашга кетишса, ҳафа бўлманг, улар Ўзбекистон шарафини ҳимоя қилиш учун кетишаяпти!

Йўқ, ҳали ҳеч ким кетгани йўқ, ҳаммасини вақти билан билиб оламиз.

Олим Толипов