Мюнхеннинг “Бавария” клуби “Челси” дарвозабони Кепа Аррисабалагани ижарага олиш ишларини бошлади.
Журналист Флориан Плеттенбергнинг сўзларига кўра, томонлар яқин кунлар ичида музокаралар ўтказишни олдиндан белгилаб қўйган.
Кепанинг "Челси" билан шартномаси тугашига икки йил қолди. Янги шартнома бўйича музокаралар йўқлигини инобатга олган ҳолда, "кўклар" футболчини сотиб олиш опцияси билан ижарага қўйиб юбориши мумкин. Бу клубга ҳафтасига 200 минг евродан ортиқ маош оладиган ва жамоада энг кўп маош олувчилардан бири бўлган Аррисабалаганинг маошини тежаш имконини беради.
Олдинроқ "Челси" Кепа ўрнига "Валенсия"дан Гиорги Мамардашвилини сотиб олиши мумкинлиги хабар қилинганди.
