"Вест Хэм" "Манчестер Сити" ярим ҳимоячиси Коул Палмерга қизиқиш билдирмоқда. Sky Sports нашри хабарига кўра, "болғачилар" 21 ёшли англиялик футболчини таклиф этиш борасида жиддий ўйлашмоқда.
Палмер "Манчестер Сити"да етарлича ўйин амалиётига эга эмас. Раҳбарият Коул ривожланиши учун майдонда кўпроқ вақт ўтказиши кераклигини тушунади. Балки шунинг учун ҳам "шаҳарликлар" Палмерни ижарага қўйиб юборишга рози бўлишар.
Коул ўтган мавсумда Премьер-лигада 14 та ўйинда майдонга тушиб, гол урмаган. Олдинроқ "Манчестер Сити" "Вест Хэм" ярим ҳимоячиси Лукас Пакетага қизиқиш билдираётган эди, "болғачилар" уни сотмоқчи эмас.
