15 ноябрь куни Самарқандда давом этаётган футзал бўйича 2012 йилги Ўзбекистон чемпионати 1-босқич 2-тур ўйинлари доирасидаги навбатдаги кун баҳслари бўлиб ўтди. Кун доирасидаги барча ўйинлар фаворитларнинг ишончли ғалабалари билан якунига етди.
Мусобақа жадвалида пешқадамлик қилаётган «Локомотив», «Ардус» ва «Максам-Чирчиқ» жамоалари мос равишда «Строитель-Зарафшон» (10:3), «Нафис» (7:1) ва «Гулистон» (7:1) жамоаларини мағлубиятга учратишди. Шундай қилиб, ҳар учала жамоанинг очколари сони, саккиз учрашувдан сўнг, 21тага етди ва тўплар нисбатига кўра Тошкентнинг «Локомотив» жамоаси мусобақа жадвалида биринчи, «Ардус» иккинчи, «Максам-Чирчиқ» клуби эса учинчи ўринни эгаллаб турибди.
Куннинг қолган икки ўйинида ҳам пешқадамларни таъқиб этиб бораётган жамоалар ғалаба қозонишди. Жумладан, «Бунёдкор» Бухоро вилоятининг «Когон» клубини 5:2 ҳисобида мағлубиятга учратган бўлса, «Пахтакор» ва «Турон-С» ўртасидаги ўйин андижонликларнинг 4:2 ҳисобидаги ғалабаси билан якунига етди.
16 ноябрь куни бўлажак баҳслар 2012 йилги Ўзбекистон чемпионати 1-босқич 2-тур баҳсларига якун ясайди. Шунингдек, шу куни мусобақа жадвалидаги учпешқадамликка якун ясалади – «Максам-Чирчиқ» ва «Локомотив» ўйинида қайд этиладиган ҳар қандай натижа пешқадамлар сонини камида биттага камайтиради. Ҳеч шубҳасиз қайд этиш мумкинки, чирчиқлик ва тошкентлик футболчилар ўртасидаги ушбу баҳс турнинг энг марказий ўйинига айланади.
Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
15 ноябрь, пайшанба
«Пахтакор» - «Турон-С» 2:4
«Локомотив» - «Строитель-Зарафшон» 10:3
«Гулистон» - «Максам-Чирчиқ» 2:7
«Когон» - «Бунёдкор» 2:5
«Ардус» - «Нафис» 7:1
| № | Жамоа | Ў | Ғ | Д | М | Т-Н | О |
|---|---|---|---|---|---|---|---|
| 1 |  Локомотив |
8 | 7 | 0 | 1 | 61-16 | 21 |
| 2 |  Ардус |
8 | 7 | 0 | 1 | 54-14 | 21 |
| 3 |  Максам-Чирчиқ |
8 | 7 | 0 | 1 | 37-18 | 21 |
| 4 |  Бунёдкор |
8 | 5 | 1 | 2 | 29-20 | 16 |
| 5 |  Турон-С |
8 | 4 | 2 | 2 | 49-40 | 14 |
| 6 |  Пахтакор |
8 | 3 | 0 | 5 | 23-33 | 9 |
| 7 |  Гулистон |
8 | 2 | 1 | 5 | 37-49 | 7 |
| 8 |  Когон |
8 | 1 | 1 | 6 | 24-45 | 4 |
| 9 |  Нафис |
8 | 1 | 0 | 7 | 18-56 | 3 |
| 10 |  Строител-Зарафшон |
8 | 0 | 1 | 7 | 17-58 | 1 |
Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
16 ноябрь, жума
9:00. «Строитель-Зарафшон» - «Пахтакор»
10:00. «Бунёдкор» - «Гулистон»
12:00. «Турон-С» - «Ардус»
14:00. «Максам-Чирчиқ» – «Локомотив»
16:00. «Нафис» - «Когон»
