Швециялик ярим ҳимоячи Йенс Каюсте Франциянинг "Реймс" жамоасидан "Наполи" жамоасига қўшилди. Бу ҳақда неаполликлар ижтимоий тармоқдаги саҳифаларида хабар берилди. Трансфер тафсилотлари ошкор этилмаган.
24 ёшли Йенс Каюсте 2022 йилнинг январидан 2023 йилнинг августигача Франциянинг “Реймс” жамоасида ўйнаган. У жамоа сафида барча мусобақаларда 42 та ўйинда майдонга тушиб, 6 та гол урди ва битта голли узатмани амалга оширди.
Transfermarkt портали ярим ҳимоячининг хариди "Наполи"га 12 миллион еврога тушган деб маълумот бермоқда.
Италия чемпионатининг янги мавсумининг 1-турида “Наполи” “Фрозиноне” билан учрашади. Ўйин 19 август куни бўлиб ўтади ва Тошкент вақти билан соат 21:30да бошланади.
