"Манчестер Юнайтед"дан кетганидан кейин эркин агент бўлган испаниялик дарвозабон Давид де Хеа "Реал"га ўтмайди. Бу ҳақда Copе нашри хабар бермоқда.
Манба берган хабарга кўра, "қироллик клуби" бош мураббийи Карло Анчелотти тажрибали футболчининг трансферига қарши чиққан. Мутахассиснинг фикрича, Давид жамоани кучайтириши даргумон.
Эслатиб ўтамиз, "Реал Мадрид" узоқ вақтга Тибо Куртуадан айрилди. Бельгиялик футболчи машғулот вақтида хоч бўғимидан жароҳат олди.
"Реал" Испания чемпионатини "Атлетик" жамоасига қарши меҳмон учрашуви билан бошлайди. Учрашув эртага, 12 август куни Бильбаода бўлиб ўтади.
