"Manchester Yunayted"dan ketganidan keyin erkin agent bo‘lgan ispaniyalik darvozabon David de Xea "Real"ga o‘tmaydi. Bu haqda Cope nashri xabar bermoqda.
Manba bergan xabarga ko‘ra, "qirollik klubi" bosh murabbiyi Karlo Anchelotti tajribali futbolchining transferiga qarshi chiqqan. Mutaxassisning fikricha, David jamoani kuchaytirishi dargumon.
Eslatib o‘tamiz, "Real Madrid" uzoq vaqtga Tibo Kurtuadan ayrildi. Belgiyalik futbolchi mashg‘ulot vaqtida xoch bo‘g‘imidan jarohat oldi.
"Real" Ispaniya chempionatini "Atletik" jamoasiga qarshi mehmon uchrashuvi bilan boshlaydi. Uchrashuv ertaga, 12 avgust kuni Bilbaoda bo‘lib o‘tadi.
