"Манчестер Сити" "Вест Хэм"нинг бразилиялик ярим ҳимоячиси Лукас Пакетани сотиб олмоқчи.
"Манчестер Сити" футболчи трансфери бўйича иккинчи таклифини юборди. Биринчиси, 80 миллион евро миқдорида эди, "Вест Хэм" раҳбарияти уни рад этди. Энди "шаҳарликлар" бразилиялик учун 101 миллион евро таклиф қилмоқда. Қайд этилишича, “Вест Хэм” футболчи учун 110 миллион евро олмоқчи.
25 ёшли Пакета ўтган август ойида "Лион"дан 51 миллион фунт эвазига "Вест Хэм"га ўтган эди.
Бразилиялик ярим ҳимоячи ўтган мавсумда барча турнирларда 41 ўйинда 5 та гол урди ва 7 та голли узатмани амалга оширди.
