Мюнхеннинг "Бавария" клуби ПСВ ярим ҳимоячиси Ибраима Сангарега қизиқиш билдирмоқда.
Манбага кўра, Сангаре "Бавария"га ўтишдан манфаатдор, Германия клуби бош мураббийи Томас Тухель эса футболчининг сифатини юқори баҳоламоқда. Қайд этилишича, футболчининг ПСВ билан шартномасида футболчини 37 миллион еврога сотиб олиш имконияти мавжуд.
25 ёшли Сангаре жорий мавсумда ПСВ таркибида иккита ўйинда майдонга тушиб, битта гол урди. Унинг Нидерландия клуби билан шартномаси 2027 йилнинг июнигача мўлжалланган.













