“Тоттенхэм” дарвозабони Уго Льорис тез орада фаолиятини Италия А сериясида давом эттириши мумкин. Журналист Фабрис Хокинснинг хабарига кўра, франциялик тажрибали кипер Маурицио Сарри бошчилигидаги “Лацио”га ўтиш борасида музокаралар олиб бормоқда.
Манбага кўра, Льорисни шунингдек, "Реал Мадрид"га таклиф қилишган, аммо "қироллик клуби"нинг шорт-листида кўпроқ афзал кўрилган номзодлар бор, шунинг учун Угонинг трансфер имконияти ниҳоятда кичик.
Эслатиб ўтамиз, Льорис "Тоттенхэм"да 2012 йилнинг ёзидан бери ўйнаб келмоқда. 36 ёшли дарвозабоннинг энди “шпорлар” билан шартномаси тугашига атиги бир йил қолди.
