"Манчестер Юнайтед" вингери Жейдон Санчо трансфер ойнаси тугагунча жамоасини тарк этиши мумкин. CaughtOffside хабарига кўра, "Астон Вилла" футболчининг атрофидаги вазиятни фаол кузатмоқда.
"Манчестер Юнайтед" агар яхши таклиф тушса, Санчони сотишга тайёр. Маълум бўлишича, инглиз футболчисига "Астон Вилла"дан ташқари АПЛнинг бошқа клублари ҳам қизиқиш билдирмоқда.
Эслатиб ўтамиз, 23 ёшли Санчо икки йил аввал Дортмунднинг "Боруссия"сидан 80 миллион евро эвазига "Манчестер Юнайтед"га ўтган эди. Ўшандан бери Жейдон клуб сафида 79 та ўйинда майдонга тушиб, 12 та гол ва 6 та голга ассистентлик қилган.
