Лондоннинг "Фулхэм" клуби "Барселона"нинг собиқ футболчиси, ҳозирда эркин агент бўлган Адама Траорени таклиф қилиш устида ишламоқда.
Эслатиб ўтамиз, ўтган мавсум охирида испаниялик футболчи "Вулверхэмптон"ни тарк этганди.
Инсайдер Фабрицио Романонинг сўзларига кўра, "Фулхэм" Траорега оғзаки трансфер таклифини билдирган. Музокаралар илғор босқичда. Адама Марко Силва жамоасига ўтишга қизиқмоқда.
Эслатиб ўтамиз, Траоре "Барселона" тарбияланувчиси ҳисобланади. 2021/22 йилги мавсумда футболчи ижара асосида жамоага қайтди, аммо мавсум якунида "кўк-анорранглилар" Адамани доимий равишда сотиб олишмади.
