"Тоттенхэм" дарвозабони Уго Льорис "Реал"га ўтиши мумкин, дея хабар бермоқда журналист Фабрис Хокинс.
36 ёшли франциялик посбоннинг вакиллари Тибо Куртуа жароҳати сабабли Мадридга дарвозабон хизматини таклиф қилишди. 10 август куни бельгиялик футболчининг чап тиззасидаги хочсимон боғлами йиртилгани ташхиси қўйилгани маълум бўлди.
Манбага кўра, Льорис "Реал Мадрид"нинг шорт-листидан жой олмаган, қолаверса, дарвозабон "Лацио"га ўтиш борасида музокаралар олиб бормоқда.
Льорис "Тоттенхэм"да 2012 йилдан бери ўйнаб келаётганди. Унинг "шпорлар" билан шартномаси 2023/24 йилги мавсум охиригача амал қилади.
