"Барселона" сардори Серхи Роберто Неймарнинг қайтиши мумкинлиги ҳақида гапирди.
"ПСЖ"ни тарк этишга қарор қилган 31 ёшли бразилиялик футболчи трансфер ойнаси ёпилгунга қадар Каталония клубига келиши мумкин. Баъзи маълумотларга кўра, "Барселона" президенти Жоан Лапорта ҳужумчини таклиф қилишдан манфаатдор, жамоа бош мураббийи Хави Эрнандес эса бу фикрни маъқулламайди.
"Мен Неймар билан гаплашдим ва у "Барселона"га қайтганидан хурсанд бўлишини айтди. Мен унинг яна бизнинг клубда ўйнашини хоҳлайман. Неймар - ажойиб ўйинчи, ақл бовар қилмайдиган истеъдод эгаси. У келадими? Раҳбарият ва мураббий бу билан шуғулланиши керак", - дея Серхи Робертодан иқтибос келтиради Barca Universal.
