"Болонья" ҳужумчи Марко Арнаутовичнинг сотилишини истисно қилди.
34 ёшли футболчига "Интер" ва "Рома" даъвогарлик қилмоқда. Австрияликнинг агенти вазиятни ўзгартиришга тайёрлигини очиқчасига эълон қилди, аммо "Болонья" раҳбарияти у билан хайрлашмоқчи эмас: "Арнаутович трансфер бозорида эмас. У бизнинг жамоамиз учун ажралмас футболчи", - дея клуб спорт директори Жованни Сарторининг сўзларини келтиради Football Italia.
Маълумки, "Рома" аллақачон Арнаутович бўйича таклиф билан чиққан, аммо ҳужумчининг ўзи "Интер"га ўтиш вариантини афзал кўрмоқда. Transfermarkt экспертларининг фикрича, футболчининг трансфер нархи 5 миллион еврони ташкил қилади.
