"Bolonya" hujumchi Marko Arnautovichning sotilishini istisno qildi.
34 yoshli futbolchiga "Inter" va "Roma" da’vogarlik qilmoqda. Avstriyalikning agenti vaziyatni o‘zgartirishga tayyorligini ochiqchasiga e’lon qildi, ammo "Bolonya" rahbariyati u bilan xayrlashmoqchi emas: "Arnautovich transfer bozorida emas. U bizning jamoamiz uchun ajralmas futbolchi", - deya klub sport direktori Jovanni Sartorining so‘zlarini keltiradi Football Italia.
Ma’lumki, "Roma" allaqachon Arnautovich bo‘yicha taklif bilan chiqqan, ammo hujumchining o‘zi "Inter"ga o‘tish variantini afzal ko‘rmoqda. Transfermarkt ekspertlarining fikricha, futbolchining transfer narxi 5 million yevroni tashkil qiladi.













