"Бавария"га янги келган Харри Кейн Мюнхен жамоасига ўтиш ҳақида гапирди. Англиялик футболчининг трансфери “Бавария”га 100 миллион еврога тушди, бироқ бонусларни ҳисобга олсак, умумий нарх пакети 120 миллионга етиши мумкин. Кейн "Бавария" тарихидаги энг қиммат футболчига айланди.
"Бавария"нинг бир қисми бўлганимдан жуда хурсандман. Бу дунёдаги энг катта клублардан бири ва мен ҳар доим олдинга силжишни ва ўзимни юқори савияда кўрсатишни хоҳлаётганимни айтганман. "Бавария" ғалаба қозониш маданияти билан ажралиб туради - бу ерда бўлиш жуда ёқимли", - деди 30 ёшли англиялик футболчиси Мюнхен клуби расмий сайтига.
Аввалроқ Кейн Англияда "Тоттенхэм" сафида ўйнаган ва у ерда Премьер-лига тарихидаги иккинчи тўпурарга айланган ва турнирда 200 дан ортиқ гол урган.