"Манчестер Сити" янги мавсумни сафарда "Бёрнли" устидан 3:0 ҳисобида йирик ғалаба билан бошлади.
"Шаҳарликлар" учун нохуш вазият ярим ҳимоячи Кевин де Брюйненинг тиззасидан олган навбатдаги жароҳати бўлди. Бельгиялик футболчи биринчи бўлим давомида алмаштирилди.
The Athletic нашри хабарига кўра, 32 ёшли Де Брюйне душанба куни тиббий кўрикдан ўтади. Шундан сўнг жароҳат қанчалик жиддий эканлиги ва футболчининг тикланиши учун қанча вақт керак бўлиши аниқ бўлади.
“Манчестер Сити” навбатдаги ўйинини 16 август куни УЕФА Суперкубоги доирасида “Севилья”га қарши ўтказади.
