«Ан-Наср» ҳужумчиси Криштиану Роналду Араб чемпионлар кубоги финалида «Ал-Ҳилол»га (2:1) қарши ўйиннинг энг яхши футболчиси сифатида тан олинмагани учун жаҳли чиқди.
38 ёшли португалиялик дубл қайд этиб, жамоасига ғалаба келтирди, аммо турнирнинг энг яхши тўпурари унвони учун фақатгина «Олтин бутса»ни олди холос.
Учрашувнинг энг яхши футболчиси совринини «Ал-Ҳилол» ярим ҳимоячиси Сергей Милинкович-Савич олди.
Тақдирлаш маросимида Роналду турнир ташкилотчиларига мурожаат қилиб, ҳал қилувчи паллада иккита гол урганини ишора қилди.
