Килиан Мбаппе «ПСЖ»нинг асосий жамоаси билан бирга шуғулланишга қайтди. Боз устига, ҳужумчи клуб билан шартномани узайтириши ҳам мумкин - бундай имконият мавжуд.
«ПСЖ» президенти Носир ал-Хелайфий жамоа кийиниш хонасида «Мбаппе клубга содиқ», деди.
Эслатиб ўтамиз, Килиан Мбаппенинг амалдаги меҳнат шартномаси 2024 йилнинг июнь ойи охиригача тузилган.
Аввалроқ, юлдуз ҳужумчи бир йилдан сўнг «Реал»га ўтиши мумкинлиги ҳақида хабарлар тарқалган эди.
Қўшимча қиламизки, Франция чемпионатининг илк турида «ПСЖ» «Лорьян»ни мағлуб эта олмади - учрашув 0:0 ҳисобида дуранг билан якунланди.
