Kilian Mbappe «PSJ»ning asosiy jamoasi bilan birga shug‘ullanishga qaytdi. Boz ustiga, hujumchi klub bilan shartnomani uzaytirishi ham mumkin - bunday imkoniyat mavjud.
«PSJ» prezidenti Nosir al-Xelayfiy jamoa kiyinish xonasida «Mbappe klubga sodiq», dedi.
Eslatib o‘tamiz, Kilian Mbappening amaldagi mehnat shartnomasi 2024 yilning iyun oyi oxirigacha tuzilgan.
Avvalroq, yulduz hujumchi bir yildan so‘ng «Real»ga o‘tishi mumkinligi haqida xabarlar tarqalgan edi.
Qo‘shimcha qilamizki, Fransiya chempionatining ilk turida «PSJ» «Loryan»ni mag‘lub eta olmadi - uchrashuv 0:0 hisobida durang bilan yakunlandi.
