Ҳимоячи Бенжамин Павар «Бавария»дан «Манчестер Юнайтед»га ўтиши мумкин. Бу ҳақда Sky Sports журналисти Каве Солхеколь ижтимоий тармоқларда хабар берди.
Ҳозирда клублар ўртасидаги музокаралар жараёни давом этмоқда, аммо «Бавария» ва «Манчестер Юнайтед»нинг позициялари бир-биридан узоқда.
Шунингдек, 27 ёшли Паварнинг трансфери Харри Магуайр «қизил иблислар» лагерини тарк этган тақдирдагина мумкинлиги қайд этилган.
Қўшимча қиламизки, нуфузли transfermarkt портали экспертлари Бенжамин Паварни 40 миллион еврога баҳоламоқда. Франциялик ҳимоячи «Бавария»да 2019 йилнинг ёзидан буён ўйнаб келмоқда.
