Лондоннинг «Фулхэм» клубига янги келган Адама Траоре ушбу трансфер ҳақида фикр билдирди.
27 ёшли испаниялик янги клуби билан 2025 йилнинг ёзига қадар меҳнат шартномаси имзолади. У жамоага эркин агент сифатида қўшилди.
«Мен учун бу ажойиб трансфер. Бу менинг фаолиятимдаги янги бобдир. Мен ғалабаларга чанқоқман, 100 фоиз бор кучимни беришга тайёрман», - дея ҳужумчининг сўзларини келтиради «Фулхэм» матбуот хизмати.
Адаманинг аввалги клуби «Вулверхэмптон» эди. 2022/2023 йилги мавсумда форвард «бўрилар» сафида барча мусобақаларда 40 та ўйинда қатнашиб, учта гол ва иккита голли узатмага муаллифлик қилган.